الام والشنطة

‏​​​​‏​‏​‏​‏​‏​سالفة الام والشنطة

ياشباب تذكرت سالفه تخص

الملابس الداخليه ....... هي بصراحه قصه لصديق ,,,,
يقول :

أمي كانت عايشه عند أخوي بحايل , وكنت أنا قاعد أعمر لي بيت بالرياض ,,,

وبعد ما خلص البناء قررت أن أجيب أمي تسكن معي , علشان أبّر فيها وأكسب أجرها ,

فطلبت من أخوي أن يرسلها بالطياره , ويوصّي أي عائله بنفس الرحله أن ينتبهوا للوالده . وفعلا ,,


ركبت أمي الطياره , ووصلت للرياض ,
أستقبلتها وأخذتها عند سير العفش علشان ناخذ شنطتها , وسألتها عن شكل ولون شنطتها ,,,,

فأشرت لي على شنطه ,,,, وشلتها ورحنا للبيت .


يوم وصلنا للبيت...
حطيت شنطة أمي بغرفتها , وقلت : يمه ترا هذي غرفتك , وهذا دولابك ,,,,

حطي ملابسك بالدولاب , وتعالي نسولف بالصاله ,,,,

ورحت أنتظرها ترتب ملابسها وتجيني بالصاله ,,,,


وبعد شوي ,,, سمعت أمي تقول : عوذااااااا ... وشو هذا ......عوذااااا ... هالبلية هذا وشو ..


فأخذت ( وانتم بكرامه ) نعالي , ورحت أركض لغرفة أمي ,,,,(قلت أكيد صرصور)


وفتحت باب غرفة أمي ,,,

فلقيت أمي فاتحه شنطتها ومطلّعه منها قطعة ملابس داخليه نسائيه ناعمه


ومايوه أحمر فاخر جداً !!!!!

وطالعت فيني وقالت : ياوليدي وش هالغرضان اللي بشنطتي ؟


طبعاً عرفت أن فيه شي خطأ , فبدأت أفتش الشنطه ,,,,, وياللهول من ما وجدته فيها !!!!


لقيت شنطة مكياج كريستان ديور , وعطر شانيل , وسيشوار مولينكس ,


وبنطلونات جنز والبوم صور لوحده لبنانيه بالمايوه على البحر ,,,

وصورها بعيد ميلاد ,,, وصورها مع واحد ( كنه عاصي الحلاني ) !!

المهم قلت لأمي : يمه هذي شنطة وحده لبنانيه ماهي شنطتك ,,,

وبرجعها هالحين وأجيب شنطتك ,,,

قالت أمي : ياوليدي أنتبه لاينسرقن غرضاني ,,, لاتسرقهن هاللبنانيات !!

قلت : وش فيها شنطتك يمه ؟

قالت : به شيح وعنزوت وحلتيت ومرّه وقيصوم ,,,,,, وملابسي .

قلت في نفسي : هالحين راعية هالصور تبي تسرق شيح وحلتيت ,,, وسروال خط البلده !!!


المهم رحت لقسم خدمات العفش بالمطار ,,, وأول ما وصلت لقيت اللبنانيه اللي بالصور !!

وكانت واقفه وحاطه رجلها على شنطة أمي , وحاطه منديل على خشمها !


فقلت لها : حنا آسفين , هذي شنطتك , وأعطيتها شنطتها , وأخذت شنطة أمي .


فقالت لي باللهجه اللبنانيه :

بينصحك أبل ما تيخد هالشنته تفتحها ,, لايكون فيها شي بني آيدم ميت !!



منقوووله

ههههههههههههههههههههههههههههههههههآآآي والله المواقف هذي تصير كثير بالمطاار عشاان كذا انتبهوو يا حلوين تاكدوا انكم اخذتوا شنطتكم مو شنط غيركم