ادرى انى فيك قصرت

أدري أني فيك قصّرت وأنت اللي عطيت


قلبك اللي يلبس الحب في صدق ووفا
ما لحقني فيه شكٍ.. ولا منّه شكيت


فيه لي بليلة البرد.. ميعاد ودفا
وفيه لي بكل خفقه مشاويرٍ وبيت


أدري أنك أجمل العشق وأصدق من صفا
وأدري أني فيك قصّرت وأنت اللي عطيت


وأدري أني كل ما غبت وأضناك الجفا
لانتظاري تشرب الصبر.. حتى أنك بكيت


وأدري أنه لا زعل قلبك وجيتك.. عفا
اتجاوز جرح الاشواق.. لا مني قسيت


صاحبي كل الخطايا جروحٍ بالخفا
زلزلت كل المشاعر بقلبي لك.. وجيت..


..اعتذر لك والندم يشرب ضلوعي شفا
وما ألومك لو ترددت لحظة أو عصيت


أشهد أني شفت من قسوتي شي كفا
شي.. لو أنك تمعنت في عيني.. قريت!





مما راق لي